Ufem Markt in Italie

Am nögschte Tag isch Mercato gsi in Marciana. I ha mi richtig gfreuit uf dä Märt, wiu me findt jo gäng öppis wo-n-eim gfaut u nid viu choscht. Wo mir aui zäme de voreme Stand mit schöne, farbige Tüechere si gschtange, het ds Lisbeth plötzlech gseit, si choufi do ganz sicher nüt, das segi doch nume e riisige Bschiss, das Züg chiemi jo aues zäme us dem Tunesie. Si heigi das im Fernsehn gseh oder im Ktipp gläse. U überhoupt, wüssi das jo jedes Ching. I ha das nid gwüsst, han aber nid dergliiche to. U de hani grad extra sones Tuech kouft u grad no e zweits. I loh mir vom Lisbeth doch nid mi Freuid am Markt verderbe.